Nyob zoo ib tsoom phooj ywg. Ntawm no kuv yog CHOJ THOJ, ua ntej no kuv thov ua tsaug ntau rau koj tus uas tau saib thiab pab txhawb nqa phau ntawv qhia-kawm qeej no. Kuv vam thiab cia siab tias yog thaum koj nyeem tag, nkag siab, thiab paub txog cov ntsiab lus qhia nyob hauv phau ntawv no lawm nws yuav ua rau koj tuaj yeej kawm tau qeej yam yooj yim. yuav tsis nyuaj li yav ntuj thaum ub, vim tej laus kev qhia qeej thiab kawm qeej yav thaum ub lawv kawm qeej los ntawm qhov mloog lub suab thiab sib qog qeej xwb ces ua rau tsis muaj lub caij nyoog los sib qhia peb hmoob cov txuj Qeej poob lawm ntau heev. Yog li no kuv thiaj li txiav txim siab muab lub sij hawm no los muab cov ntiv Qeej thiab lub suab Qeej los teeb dhos ib npe zuj zus kom ntsheej ua ib phau ntawv qhia qeej los txhawm rau sawv daws tej me tub me nyuam xeeb leej xeeb ntxwv los yog ib tsooom tub ntxhais hluas tau saib thiab tau kawm kom muaj kev yooj yim rau tus kawm lawm yav tom ntej. Yog thaum koj muaj phau ntawv qhia-kawm qeej no lawm txawm tias yuav tsis muaj tus nyob ze thiab qhia koj los koj yeej tuaj yeem kawm tau los ntawm koj tus kheej.

Qeej yog ib yam txuj uas peb hmoob poj yawm txwv koob ib txwm muaj thiab siv los tau ntau txhiab xyoo lawm. Qeej yog ib yam siv rau peb hmoob kab li kev cai feem ntau yog siv rau kev ploj tuag, tshaj saud kuj siv ua kev lom zem rau kev ua yeeb yaj kiab thiab. Yog li peb hmoob thiaj muab rab qeej los ua ib qho puav pheej tseem ceeb rau ntawm peb haiv hmoob. 

Read More

Pham Hoos Phonkeo 2017

Read More

Txuj ci hmoob-it zoo siab txais tos txhuaj leej los koom sib pauv kev paub txhua yam muaj xws li hauv qab no:

1. Hmong kab li kev cai (Hmong Culture)

• Kev cai dab qhuas hmoob (Thoj vwj tuam hwm)
• Neeb Yaig
• Khawv Koob
• Zaj Tshoob
• Txiv Xaiv
• Qeej-Nruag
• Nkauj

2. Kev Lom Zem (Entertainment)

• Xyoo Tshiab (Hmong New Year)
• Kev hu Nkauj
• Hais Kwv Txhiaj
• Dab Neeg -  Neej Neeg

3. Computer (IT Technology Information)

• Window
• Sofware
• Drivers
• MS Office

4. Keeb Kwm (Hmongthao History)

• Keeb Kwm Tsiv Teb Tsaws Chaw
• Caj Ces Ntawm Tsob Hmoob Thoj Vwj Tuam Hwm

5. Tshaj sauv lawm tseem muaj ntau yam ntxiv..., etc.

Read More

Keeb Kwm

Read More

Neeb Tuav Pov Hwm

Read More

Hmong New Year 2016

Read More

Free Call (Hu Xov Tooj Free)

Read More

Khawv Koob 26 Khwb Ntsuj - Zais Ntsuj

Read More

Khawv Koob 4-Video Sound

Read More

Khawv Koob 5

Tshuab Qhov Muag Qaus

           

Zaj no yuav ib tug xyab xwb thaum tshuab yog mus tshuab nraum zoov. Muab tus xyab yom rau tim lub hnub ntuas tas ces mam coj los tshuab rau lub qhov muag. Nws hais li hauv qab no.

           

“Si la tham yaj tshwj lwm lam thab thab los hws yos foob tsab cawv looj cab kum looj haij tim txw faj foob tsheb yees ntxees tam sij tsheb tam sij xam yeem sij tsheb yeem sij xam ceev cim cim los leem txhij.”

Tas li no lawm tiam sis muab tus xyab yom rau tim lub hnub ces yus ntuas zaj khawv koob txog rau lo hais tias  “. . . tim txw faj foob tsheb yees ntxees . . .” ces yus tig kiag tus xyab los yom rau lub qhov muag. Ces yus xaus kiag ces yus mam tshuab kiag cov pa yom rau lub qhov muag. Zaj no ua peb lwm tshuab peb zaug.

Read More

Khawv Koob 4

Tua Phim Nyum Vais

Zaj no mas muaj riam kuj xuas riam, muaj hneev kuj xuas hneev, muaj phom kuj xuas phom, thiab thaum ua los yog ntuas tas nrho zaj khawv koob ces tua kiag rau sab tus dab phim nyum vais quaj quaj ntag. Hais li hauv qab no.

           

“Phij tus nyaj nas nij coos kooj yas hooj yas haij nooj nij kus yaj nooj nij mij pw xooj looj nyeej tas phaj naj xooj looj nyeej tas phij miv xas nas kuv.”

Read More

Kev Neeb Kev Yaig

1.Kev ua kho thaj neeb los yog tsa thaj neeb. 1

2.Kev ua neeb fab laj 2

3.Kev ua kho tsev (xa vij nab los tsev, los yog ua neeb nphau ntees). 4

4.Kev ua neeb kho dab txhij suam theev kawv. 4

5.Kev ua neeb ntxus sub, thib ntawv ntsug rog. 5

6.Kev ua neeb tuam choj poj niam tsis muaj me nyuam.. 5

7.Kev us neeb tuam choj cov poj niam muaj me nyuam –yug tsis tau. 6

8.Kev ua neeb kho cov neeg mob ua kub ua no. 7

9.Kev ua neeb kho cov tub ntxhais hluas mob qaug zog los yog ua npau suav sib yuav. 7

10.Kev ua neeb kho cov neeg, lwm tus neeg pom tus tib neeg ntawd lub ntsej muag txawv txawv, xws li, ntsuab, xiav, los yog o o. 7

11.Kev ua neeb kho cov neeg mob zawv plab, raws plab. 7

12.Kev ua neeb kho cov neeg mob kub tas li,  tsis paub laj li 8

13.Kev ua neeb kho cov neeg mob txhav ceg-txhav duav. 8

14.Kev ua neeb kho tus neeg mob qaug zog, los yog nkees. 8

15.Kev ua neeb kho cov me nyuam mob uas phej ceeb tas li 8

16.Kev ua neeb kho cov neeg mus ua qhua los txog tsev ces txawm mob. 9

17.Kev ua neeb kho cov poj niam yug me nyuam nyuaj. 9

18.Kev ua neeb kho cov neeg mob.   liv nyug quaj, kauv tshe, thiaj li mob. Txoj no mas yuav ib tug moj zeej los yog ib tug nkauj nyab mus hloov. 9

19.Kev ua neeb kho poj niam nchuav cev. 10

20.Ua neeb xa dab tsog tsuag los yog dab nplooj. 10

21.Kev ua neeb raws ntsuj plig mus rau kev tuag. 10

22.Kev ua neeb mus kho cov neeg sib tua thwj txhiaj hiam meem. 11

23.Kev ua neeb kho cov neeg poob xyoob poob ntoo,poob zeb poob tsua, poob dej, noj yeeb, noj tshuaj, dai hmab, dai hlua tuag. 11

24.Kev ua neeb kho cov neeg ua tsov ua rog tuag. 12

25.Kev ua neeb kho kwv tij, txiv tub sib ceg, sib ntaus, los yog hlawv xyab hlawv ntawv sib tsawg rau lub ntuj. 12

26.Kev ua neeb kho tshooj xab-tsoo xab. 12

27.Kev ua neeb hu dev plig, sam nywj tshuaj txiv siav ntsev. 12

28.Kev ua neeb kho ntxa. 13

29.Kev ua neeb mus txhaws qhov tuag. 13

30.Kev ua neeb kho cov neeg pom rooj ntug qhib. 13

31.Kev ua neeb kho neeg mob pob khaus los yog zaj nplawm. 14

32.Kev ua neeb kho cov neeg mob qaug dab peg . 14

33.kev ua kho cov neeg poob plig zwm hiav. 14

34.Kev ua kho xa vij tsiaj nyeg los tsev. 14

35.Kev ua kho xa vij dev nce tsev, nyuj nce tsev. 15

36.Kev ua kho tub ki niam txiv txha nkig, los yog txuas nyeej civ, txuas hnub nyoog. 15

37.Kev ua kho cov neeg zis lav,  los yog  quav lav. 15

38.Kev ua kho cov neeg mob uas pheej ua ntsos tas li. 16

39.Kev ua neeb tuav pov hwm, rub tsiaj laug los nres. 16

40.Kev ua neeb tuav pov hwm, rub txwm los nres, sam nqaij liab txhuv ntsiab, nqaij tso txhuv hno rau tus neeg mob. 16

Read More

Paj huam1

Nco Hluas Nkauj Hmoob

Ntshe yog kuv                                 nyiag nyiam koj lawm
Txhua sij hawm                              kuv thiaj pheej nco
Pw txhua hmo                                 thiaj npau suav txog
Tias tau nrog                                   koj nyob ua ke
Xav tias ntshe                                 nws yog tiag tiag
thaum tsim kiag                             cas yog npau suav
Cas kuv yuav                                   lam lem ua luaj
Koj lam tuaj                                     tso dag ua si
Kuv cia li                                           ua neeg vwm ntsuav
Ua npau suav                                  pom koj txhua hmo
Xyov yuav nco                                 koj txog hnub twg
Ntshai ruj rwg                                tsam muaj ib hnub
Koj tsis pub                                      kuv no nco koj
Koj ho ploj                                       khiav ncaim kuv mus
Koj lo lus                                          ntshe yuav tsis hnov
Thaum ntawv xyov                        haj yam yuav nco
Ntshe thaum no                             yuav kho kuv siab
Noj tshuaj iab                                 los ntshe tsis kaj
Ntshe yuav laj                                 nyiaj txoj kev mob
Ntshe yuav nyob                            ua neeg crazy
Twb yog vim                                    nco koj ib leeg
Koj tsis ntseeg                                los tsis ua cas
Vim yav tas                                      yeej nyiam koj tiag
Thiaj li nyiag                                   koj nplooj siab cia
Tsis zoo qhia                                   tias nco koj heev
Thiaj muab seev                             ua paj huam xwb
Ntshe koj twb                                  yeej tsis paub txog
Tias koj yog                                      tus neeg kuv nco
Yog koj ho                                        tsis nyiam kuv tag
Tsis txhob dag                                 hais tias koj hlub
Tsam lwm hnub                             koj ho hloov siab
Pom tus tshiab                               ces koj hais tias
Koj lam ntxias                                ci zeb kuv zov
Thaum no xyov                               yuav ua li cas
Ntshe yuav tas                                txoj kev cia siab
Tawm ntuj tshiab                          rov txog ntuj no
Ntshe yuav nco                               koj mus ib txhis
Txawm koj tsis                               ntseeg kuv kav liam
Yog lwm tiam                                  ho rov ntsib koj
Mam li coj                                        koj nrog kuv nyob
Kom kuv txhob                               nco nco koj lawm
Tab yog txawm                               tiam no tsis tau
Mam muab sau                              rau kuv lub siab
Yug dua tshiab                               los nrhiav koj dua
Mam nco txhua                              kom kuv zoo nraug
Kom koj qaug                                  nco kuv ib yam
Seb puas xam                                  kuv txoj kev nco
Vim hnub no                                   kuv nco koj tshaj
Thiaj sau zaj                                    paj huam ntawm no
Tias kuv nco                                    koj tiag tiag os………

01 / 11 / 2009

Sau Npe: Tswb (Choj Thoj)

Read More

3. Tsis tau luag los sis npau suav phem

Khawv Koob Zaj 3: Tsis tau luag los sis npau suav phem

Zaj no muab ib rab riam coj los ua. Tsis yuav lwm yam dab tsi ntxiv li, tsuas yuav ib rab riam xwb. Ua tas ces muab rab riam rhais rau ntawm yus hauv ncoo. Zaj no mas hais li hauv qab no.

           

“Theev yoj yoj tim yoj yoj faj tim foom tsi puas tob tua zeej xeeb mas tua ki xws tua tim lej cej cej los leem txhij.”

Zaj no hais luv luv thiab tas li no xwb.

Lub suab Khawv Koob:

https://www.youtube.com/watch?v=W7-R-D7ENNo&list=PLaW7eQPa3T8GTOPX3NDV_tj4zcFWvxJc6&index=4

Read More

2. Kuam Kab Ntsig

Khawv Koob Zaj 2: Kuam Kab Ntsig Chob

Zaj no yuav ib rab riam ces yus nto peb me nyuam tawb auv ncaug rau ntawm tus hniav riam ces mam li ib ke ntuas ke kuam ntawm qhov plaub kab ntsig chob. Nws hais li hauv qab no.

Lwm Ib:        

“Si lo moj tshooj txaim lwm pee zeej tshais pus tsuj mas tshij tsuj tim txw tsus sawv thaij tob tuj tuj tom moj tshooj txheev peev vam muas puav leej thuj moj tshooj txheev peev vam muas puj fim xeeb tim txw cim muj caw sij caw to puav leej cim tej tsuj.”

Lwm Ob:

“Si lo moj tshooj txaim lwm pee zeej tshais pus tsuj mas tshij tsuj tim txw tsus sawv thaij tob tuj tuj tom moj tshooj txheev peev vam muas puav leej thuj moj tshooj txheev peev vam muas puj fim xeeb tim txw cim muj caw sij caw to puav leej cim tej leej.”

Lwm Peb:

“Si lo moj tshooj txaim lwm pee zeej tshais pus tsuj mas tshij tsuj tim txw tsus sawv thaij tob tuj tuj tom moj tshooj txheev peev vam muas puav leej thuj moj tshooj txheev peev vam muas puj fim xeeb tim txw cim muj caw sij caw to puav leej cim tej ho.”

           

Thaum yus ntuas tas lwm ib ces yus muab rab riam coj mus txiav peb riag so rau ntawm ntoo ces rov qab nto peb tawb auv ncaug rau ntawm tus hniav riam ces rov qab ntuas lwm ob thiab kuam dua. Ntuas los yog ua peb lwm, tiam sis lo lus xaus sib txawv me me li sau saum toj no. Thawj lwm mas hais xaus rau lo hais tias “cim tej tsuj.” Lwm ob hais xaus rau lo hais tias “cim tej leej.” Lwm peb los xaus rau lo hais tias “cim tej ho.”

Lub suab khawv koob nyob rau tus Link hauv qab no:

https://www.youtube.com/watch?v=78PiE9LF7H8&list=PLaW7eQPa3T8GTOPX3NDV_tj4zcFWvxJc6&index=3&t=1s

Read More

1. Tsa Cim Xeeb

Khawb Koob Zaj 1: Tsa Cim Xeeb

Ua ntej yus yuav kawm khawv koob mas yus yuav xub kawm zaj tsa cim xeeb no tas tso yus mam li kawm lwm zaj mas yus thiaj li cim tau sai los yog cim tau zoo. Zaj tsa cim xeeb no hais li hauv qab no.

“Xab lwb xab kas kas thas caws poos xab thas lab xab mes kas thas caws poos koos doos kaib cas lauv kas thas caws poos caws thauv le caws daib cw vaib le cas vaib kas thas caws poos. Oo xas lav oo xas av kas ces us oo xas moos tiv.”

Note: Txhua txhua zaus sij hawm thaum kawm khawv koob mas yuav tsum kawm thaum tsaus ntuj xwb thiab hlawv ib tug xyab zes rau ntawm yus ib sab tom qab tus xyab kub tag lawm ces tso tseg xwb mam ho rov kawm dua lwm lub sij hawm.

Yog xav hnov los sis mloog lub suab caw mus saib nyob rau hauv Channel: 
https://www.youtube.com/watch?v=7_2wvRidH7M&list=PLaW7eQPa3T8GTOPX3NDV_tj4zcFWvxJc6&index=2

Read More

Qeej Plig Qab Cub

Nias ntawm qhov " Read More " Thiaj pom Information

Read More

Qeej Roob Nyuj

Read More

Phau Ntawv Kawm Khawv Koob

Read More

Khawv Koob

Read More

Welcom to Txujcihmoob It

Nyob zoo ib tsoom phooj ywg txhua tus. Zoo siab tos txais thiab muaj lus ua tsaug ntau uas koj tseem pab los saib lub Blog no. Vam thiab cia siab tias yog thaum koj los saib hauv lub Blog no tag lawm yuav ua rau koj paub ntau yam tuaj tsis ntau los tsawg. Kawg no thov kom koj tsuas tau txais txoj kev noj qab nyob zoo mus lawm yav tom ntej

Ua tsaug.

Yog leej twg muaj lus nug dab tsi sau ntawv tau rau kuv txhua lub sij hawm los yog hu xov tooj nrog kuv sib tham tau raws li chaw nyob hauv no.

Read More